Tokante nos

Fundashon Darah wisdom ta traha pa yuda e hende en general i e mucha i hóben en partikular den nan desaroyo pèrsonal i sosial. Darah Wisdom ta hasi esaki pa medio di programa di edukashon despues di skol, guia di tarea, aktividatnan sosial edukativo,  kurso i workshop.

Nos ta eksistí komo un organisashon ku e nòmber Darah Wisdom for di 6 di september 2010 i desde 22 di òugùstùs 2017 nos a ofisialisá nos organisashon i bira “Fundashon Darah Wisdom”. Nos por mira tras riba añanan satisfaktorio kaminda nos, ku hopi satisfakshon, por a yuda mucha, hóbennan i nan famia riba nivel kognitivo, edukativo i sosial emoshonal. Nos  a haña oportunidat  pa hasi soñonan realisá i yuda deskubrí talentonan skondí dor di nos programanan.

Nos programanan

Edukashon despues di skol
Klub di lektura
Training di èksamen
Proyektonan di ICT
Proyektonan vakashonal
Reunionnan di formashon i edukashon pa mayor
Sosten profesional di trahadó sosial pa nos alumnonan i nan mayornan

Pa nos ta un privilegio i un plaser pa por aportá na nos pèrlanan pa nan por traha riba mahorá nan futuro i asina esun di nos pais. Nos ta dirigí nos mes ku nos aktividatnan na  prinsipalmente famianan di ménos rekurso pa nan tin un oportunidat hustu pa traha riba mehorá nan kapasidastnan.